「結他兔起革命」.樓上音樂室vs大琴行

     工廈林立的荃灣灰窰角街，沒人想到這裡有人在靜靜地起革命！

     踏上昌泰工廈，未見門牌先聞其聲，走廊已經傳來陣陣的電結他聲，鎖定目標，按鐘而入，招呼我的卻是一位年輕小伙子。「Hello，我係阿兔！呢度地方淺窄，唔好介意！」阿兔的熱情招待確實難以抵擋。這個單位以Band房格局裝潢，但陳列著的電結他、電貝斯卻出奇地多。與其說Band房，更像一個陳列室。驟眼看，結他架上擺放著一堆唸不出品牌，卻又非常吸睛的電結他和貝斯。

「傻啦，4千蚊有找！」

     阿兔興奮地拿起一枝Bass，連接過音箱讓我試聽。「呢個牌子叫做SX，係台灣牌子。喺一個外國網站好出名。我專登傾返嚟做，你試吓，好好聲架！」這把SX LTD型號的Jazz Bass發出的聲音清脆俐落，再仔細地看手工，油漆漂亮，完全可以看到木質及紋理。琴頸非常順滑，琴弦的action彈奏得很舒服。

     見這枝Bass從外到內都有聲有色，想必價值不菲。我好奇地問阿兔：「呢枝Bass洗唔洗成萬蚊？」但他的答案令我很愕然，「傻啦，4千蚊有找！我個陣睇完心郁郁，雖然平，但由美國運過嚟太甘喇！於是就自己同個牌子傾，希望帶返香港囉！」一個小伙子沒有籌碼就跟人家談判，這份膽色也太不可思議。

     細問之下，原來他曾是廣告人，現在從事節目創作，什麼都是「傾返嚟」。既然如此熱愛結他，為何不全職做歌手或音樂人？「我都想架，我會寫歌填詞，但可能timing唔啱，其實主要問題係生得唔夠靚仔呢！（笑）十個Band仔十一個窮，我搞呢個Showroom，係想有更多新手可以用一個蔗渣價錢，買到燒鵝味道嘅Bass同電結他。你試下行去琴行，係就係平呀，啲質素真係啃唔落，一係痴晒fret，一係就成把弓咁，點彈呀？」談到琴行，他更有點無奈，如是說著的阿兔有種莫名的「憤青」感。

「我都做過新手，明白到彈得唔順真係好灰！」

     談到年輕人開始彈結他夾band，有些中學會開班請人教結他，學校需要添置的器材若每每都光顧大琴行，支出非常龐大。「另外我哋都鍾意收藏電結他，去到外國見到啲二手靚結他都會買，古董級嘅Gibson Les Paul都有，我們賣的價錢相對地平。」而Guitarrabbit Store還會幫客人預先setup好才出貨。

     另外，店舖裡面還有間神秘密室，原來是阿兔戰友阿一的ProGitar Colacter研究室。「電結他構造複雜，要顧全木材結構之外，亦要在電子層面花功夫。因為聲音經放大後會造成極大誤差，初學者往往在一知半解的情況下好易將電結他嘅整體組合破壞。對於呢類維修工程，希望可以透過全面setup令整體精準度更高。除一般維修升級外，我亦會按客人需求親自「繞製」適合音色、度身訂造電結他pickup。由於成品具有一定的獨特性和味道，往往客人都會因為能擁有無人能及的音色而感到自豪。」阿一的說話令我聽到目瞪口呆，才知道造Pickup工序非常繁複。

     現今琴行競爭大，大琴行成行成市，而樓上全職做音樂的店舖又多，究竟他們打算憑怎麼取勝？「哈哈，If you can't beat them, join them！」阿兔無奈笑著說。與其說是無奈，應該說是「船到橋頭自然直」更貼切。真心希望，當有天Guitarrabbit Store 壯大後，不會成為另一個「霸權」吧！

「本文章來源：樓上舖」

   樓上舖，為你創造悠閑愜意生活！輕鬆行街逛店，開心購物食野，享受精緻服務，悠閑愜意生活！

   香港樓上舖係一個龐大的寶藏，係隱世精品的藏身處，星辰大海等你啟航！

「香港樓上舖包羅萬象，超乎你想象！」

   全港最Top樓上舖資訊平台，就係Uppershop.hk樓上舖，一手掌控你附近所有特色樓上店，精準逛街購物地圖，網上淘樓上鋪精品，豐富樓上舖優惠資訊！